Olmazor tumanida Transformator masalasi bo`yicha deputatlik so‘rovi yuborildi

 Olmazor tumani “Yuqori Sebzor” mahalla fuqarolar yig‘inidan kelib tushgan murojaat asosida hududdagi Transformator bilan bog‘liq muammo yuzasidan tegishli tashkilotga deputatlik so‘rovi yuborildi.

 Mazkur murojaat asosida Xalq deputatlari Olmazor tuman Kengashi deputati Raxmatullayev Davronbek Fayzullayevich tomonidan Olmazor tuman hokimining qurilish, to‘siqlarsiz muhit yaratish, kommunikasiyalarni rivojlantirish, ekologiya va ko‘kalamzorlashtirish masalalari bo‘yicha o‘rinbosari nomiga deputatlik so‘rovi yo‘llandi.

 Murojaatda qayd etilishicha, “Yuqori Sebzor” mahalla fuqarolar yig`inlari 35-a uy oldida joylashgan transformator punktining ochiq holda turganligi aniqlanib, ushbu holat fuqarolar, ayniqsa bolalar hayoti va sog‘lig‘i uchun jiddiy xavf tug‘dirayotganligi ma’lum bo‘ldi.

Shuni inobatga olib 35-a uy oldida joylashgan transformator punktini belgilangan texnik xavfsizlik talablariga muvofiq ravishda yopish, himoya to‘siqlari bilan o‘rab chiqish hamda zarur xavfsizlik choralarini ko‘rishingizni so‘rayman.

 Deputatlik so‘rovda ko‘tarilgan masalalar yuzasidan amalga oshiriladigan ishlar va o‘rganish natijalari bo‘yicha 10 kun muddatda asoslantirilgan ma’lumot taqdim etish talabi qo‘yilgan. Mazkur masala deputat tomonidan nazoratga olingan.