🔷Xalq deputatlari Bo‘stonliq tumani Kengashining 2026-yilga mo‘ljallangan ish rejasiga asosan tumanning “Pargos” mahallasida joylashgan 5 va 9-sonli umumta’lim maktablarining sport zallari, maydonlari va ularning jihozlanish holatlari O‘zbekiston “Milliy tiklanish” partiyasidan saylangan deputat M.Aynashova hamda kotibiyat mudiri J.Sadirov tomonlaridan kotibiyat xodimi M.Tursunbayeva hamda maktab rahbariyati ishtirokida o‘rganildi. 

🔷O‘rganish davomida maktablardagi sport zallarining texnik holati, sport maydonlarining talab darajasida jihozlanganligi, o‘quvchilar uchun yaratilgan sharoitlar hamda mavjud sport anjomlarining sifati va yetarliligi atroflicha ko‘zdan kechirildi.

🔷Shu bilan birga, maktablarda o‘quvchilarni sportga jalb etish, sog‘lom turmush tarzini shakllantirish borasida muayyan ishlar amalga oshirilayotgani, sport to‘garaklari faoliyati yo‘lga qo‘yilgani ta’kidlandi.

🔷O‘rganish yakunida aniqlangan ayrim kamchiliklarni bartaraf etish, sport infratuzilmasini yanada yaxshilash, o‘quvchilar uchun qulay va xavfsiz shart-sharoitlar yaratish yuzasidan tegishli mutasaddilarga taklif va tavsiyalar bildirildi hamda kelgusida nazorat tadbirlari davom ettirilishi belgilab olindi.