"Yangibo‘ston" mahallasida istiqomat qiluvchi fuqarolar M.Nodirova, Z.Nazarova hamda M.Umarovalarning bolalar nafaqasi olish bo‘yicha Inson ijtimoiy xizmatlar markazi Boyovut tumani bo‘limiga qilgan murojaatlari rad etilganligi yuzasidan o‘rganish ishlari olib borildi.

Mazkur holatni atroflicha o‘rganish maqsadida tuman deputatlari A.Ibadullayev hamda X.Berdiyarovalar tomonidan fuqarolar yashash manzillariga chiqilgan holda o‘rganishlar tashkil etildi. O‘rganish jarayonida fuqarolarning oilaviy va moddiy sharoitlari tahlil qilindi.

Aniqlanishicha, murojaatlarning rad etilishiga asosiy sabab sifatida oilalarning daromadlari belgilangan mezonlardan yuqoriligi hamda ayrim holatlarda rasmiy daromad manbalari mavjudligi qayd etildi.

Shuningdek, deputatlar mahallada tadbirkorlik faoliyatini yo‘lga qo‘ygan xotin-qizlar bilan uchrashib, ularning faoliyati bilan tanishdilar. Xususan, issiqxona tashkil etgan tadbirkor ayol tomonidan yetishtirilayotgan oziq-ovqat mahsulotlari — bodring, pomidor hamda bulg‘or qalampiri ekinlari ayni paytda hosilga kirgani qayd etildi.