DEPUTAT VA FUQAROLAR UCHRASHUVI O‘TKAZILDI

Joriy yilning 22-aprel kuni xalq deputatlari Navoiy shahar Kengashi deputati Gapparov Xusniddin Shaxritdinovich hamda Kengash kotibiyati bosh mutaxassisi D.Toyirovlar bilan Navoiy shahridagi "Muruvvat" mahalla fuqarolar yig‘ini aholisi o‘rtasida ochiq muloqot shaklida uchrashuv bo‘lib o‘tdi.

Mazkur uchrashuvdan ko‘zlangan asosiy maqsad — aholini qiynayotgan muammolarni o‘rganish, ularning taklif va murojaatlarini tinglash hamda hududni ijtimoiy-iqtisodiy rivojlantirishga qaratilgan masalalarni muhokama qilishdan iborat bo‘ldi.

Uchrashuv davomida fuqarolar tomonidan yo‘l infratuzilmasini yaxshilash, ichimlik suvi ta’minoti, elektr energiyasi uzluksizligini ta’minlash, bandlik masalalari hamda yoshlar va xotin-qizlarni qo‘llab-quvvatlashga oid qator taklif va muammolar ko‘tarildi. Deputat tomonidan har bir murojaat atroflicha tinglanib, tegishli tashkilotlar bilan hamkorlikda ularni hal etish yuzasidan aniq choralar ko‘rilishi ta’kidlandi.

Shuningdek, uchrashuvda aholining huquqiy madaniyatini oshirish, ijtimoiy himoya tizimini kuchaytirish hamda mahalla infratuzilmasini yanada rivojlantirish masalalariga alohida e’tibor qaratildi. Yakunda fuqarolar bilan ochiq va samimiy muloqot o‘rnatilgani, bunday uchrashuvlar aholi muammolarini joyida hal etishda muhim ahamiyat kasb etishi qayd etildi.