Xalq deputatlari mahalliy Kengashlari deputatlari o‘z faoliyatini samarali olib borishi uchun deputat so‘rovi muhim nazorat vositasi hisoblanadi. Amaldagi qonunchilikka ko‘ra, deputat tomonidan yuborilgan so‘rovga tegishli mansabdor shaxslar belgilangan muddatda asosli javob taqdim etishi shart.

⚖️ Qonunchilik talabi qanday?

📖 O‘zbekiston Respublikasining “Mahalliy davlat hokimiyati to‘g‘risida”gi Qonuniga muvofiq:

Deputat so‘roviga odatda 10 kun ichida yoki zaruratga qarab Kengash tomonidan belgilangan muddatda yozma javob berilishi lozim. Bu – mansabdor shaxsning bevosita majburiyatidir.

❗️ Javob bermaslik oqibatlari

Agar mansabdor shaxs deputat so‘roviga:

• belgilangan muddatda javob bermasa;

• noto‘g‘ri yoki asossiz javob taqdim etsa;

• so‘rovni e’tiborsiz qoldirsa —

unda u qonunchilikka muvofiq javobgarlikka tortiladi.

📚 Javobgarlik turlari

📖 O‘zbekiston Respublikasining Ma’muriy javobgarlik to‘g‘risidagi kodeksga muvofiq:

Bunday holatlarda mansabdor shaxslarga nisbatan:

🔹 intizomiy javobgarlik (hayfsan, ogohlantirish va boshqalar);

🔹 ma’muriy javobgarlik (jarima);

🔹 ayrim holatlarda lavozimdan ozod etishgacha bo‘lgan choralar qo‘llanilishi mumkin.

📝 Xulosa

Deputat so‘roviga o‘z vaqtida va sifatli javob berish — bu nafaqat qonun talabi, balki aholining manfaatlarini ta’minlashga xizmat qiluvchi muhim omildir.

📢 Hurmatli mansabdor shaxslar!

Deputatlik nazorati vositalariga mas’uliyat bilan yondashish — ochiqlik va hisobdorlikni ta’minlaydi.

✍️Xalq deputatlari Qo‘ng‘irot tumani Kengashi kotibiyati.