#tavsiyalar_asosida

Xalq deputatlari Kogon shahar kengashi deputatlari Sh. Mavlonov va A. Ergashev, shuningdek kengash kotibiyati mutaxassislari I. Ikromov hamda Z. Temirovalar 8-son umumta’lim maktabida bo‘lib, maktab kutubxonasi holatini o‘rganishdi.

O‘rganish jarayonida kutubxona fondi, mavjud o‘quv va badiiy adabiyotlar, o‘quvchilarning kitobdan foydalanish holati hamda kutubxonaning ish faoliyati ko‘zdan kechirildi. Shuningdek, o‘quvchilar uchun yaratilgan sharoitlar va kutubxona xizmatlarining tashkil etilishi ham tahlil qilindi.

Kutubxonada kitobxonlikni rivojlantirish, o‘quvchilarning darsdan tashqari bilim olishiga ko‘maklashish hamda ma’naviy-ma’rifiy ishlarni kuchaytirish masalalari yuzasidan fikr almashildi. Mas’ullarga faoliyatni yanada takomillashtirish bo‘yicha tavsiyalar berildi.

Deputatlar tomonidan maktablarda kitobxonlik madaniyatini yuksaltirish muhimligi alohida ta’kidlandi.

🌎 Xalq deputatlari Kogon shahar Kengashining ijtimoiy tarmoqlardagi sahifalariga a'zo bo'ling!

Facebook (https://www.facebook.com/profile.php?id=61580100445021) /Youtube (https://youtube.com/@xalqdeputatlarikogonshahar-g8r?si=tTSW0oZuoAxxdcXO) /Telegramm (https://t.me/KogonshaharKengashiVI) /Instagram (https://www.instagram.com/kogonshaharkengashi?utm_source=qr&igsh=NDRrbGprbzRpMmZs)/ Veb sayt (https://kengash.gov.uz/news?region_id=2&authority_id=276)