Yoshlar – jamiyat tayanchi: deputat bilan ochiq muloqot

 Xalq deputatlari Olmazor tumani Kengashi deputati Feruza Salomova Toshkent davlat tibbiyot universitetida yoshlar bilan samimiy va ochiq muloqot tadbiri tashkil etildi .  

 Uchrashuv davomida deputat yoshlar siyosati sohasida amalga oshirilayotgan islohotlar, ta’lim tizimidagi yangilanishlar hamda iqtidorli yoshlarni qo‘llab-quvvatlash bo‘yicha yaratilayotgan imkoniyatlar haqida so‘z yuritdi. O‘z nutqida u yoshlar jamiyatning eng faol va tashabbuskor qatlami ekanini, ularning bilim olishi, kasb-hunar egallashi va Vatanga sadoqat ruhida tarbiyalanishi davlat siyosatining ustuvor yo‘nalishlaridan biri ekanini ta’kidladi.

 Tadbir ochiq muloqot shaklida o‘tdi. Yoshlar o‘zlarini qiziqtirgan savollar, taklif va tashabbuslarini bildirishdi. Deputat tomonidan berilgan savollarga batafsil javoblar berilib, ilgari surilgan takliflar nazoratga olindi. Mazkur uchrashuv yoshlarning ijtimoiy-siyosiy faolligini oshirish, ularning fikr va tashabbuslarini qo‘llab-quvvatlashga qaratilgani bilan ahamiyatli bo‘ldi.

 Deputat o‘z nutqida har haftaning payshanba kuni “Yoshlar kuni” sifatida belgilanishi yoshlar bilan ishlash tizimini yangi bosqichga olib chiqishini ta’kidlab, bu tashabbus yoshlar manfaatlarini ta’minlash, ularni davlat va jamiyat hayotiga keng jalb etishda muhim omil ekanini qayd etdi. Shuningdek, talaba va yoshlar o‘rtasida ochiq muloqot tashkil etilib, faollar tomonidan hayotiy tajriba va tavsiyalar bildirildi. Tadbir yoshlarning ijtimoiy faolligini oshirish, ularni yurt ravnaqi yo‘lida birlashtirishga xizmat qiluvchi muhim platforma bo‘ldi.