Xalq deputatlari Jondor tumani Kengashi kotibiyati tomonidan fuqarolar murojaati asosida hududlardagi yo‘l infratuzilmasining holati o‘rganildi.

✔️Jumladan, tuman Kengashi kotibiyati mudiri I.Xolov hamda kotibiyat bosh mutaxassisi J.Norovlar Navgadi mahallasi hududida yashovchi bir guruh fuqarolar tomonidan qilingan murojaatni joyiga chiqib o‘rgandilar. O‘rganishda mahalla yo‘llarining holati, avtomobil yo‘llaridagi tirbandliklar hamda yo‘l-transport hodisalari ko‘p sodir bo‘layotgan ta’mirtalab yo‘llar borib ko‘zdan kechirildi.

✔️O‘rganishlar davomida ayrim yo‘llarni ta’mirlash, yo‘l belgilari va yoritish vositalarini yangilash, piyodalar xavfsizligini ta’minlash bo‘yicha qo‘shimcha choralar ko‘rish zarurligi qayd etildi.

 ✔️Shuningdek, mazkur muammolarni bartaraf etish yuzasidan Jondor tumani yo‘llardan foydalanish korxonasi davlat muassasasi direktori M.Hamroyev nomiga deputat so‘rovi yuborildi.