Aholi bandligini ta’minlash – ustuvor vazifa. 

🏛Xalq deputatlari Hazorasp tuman Kengashi deputati, Kotibiyat mudiri Vaisov Mash’al Islomovich tomonidan o‘zi saylangan okrug — 

✅Munis-Xorazmiy mahallasida Oʻzbekiston Respublikasi “Aholi bandligi toʻgʻrisida”gi qonun ijrosi yuzasidan o‘rganish ishlari olib borildi.

📝O‘rganish jarayonida mahallada aholi bandligini ta’minlash, fuqarolarni doimiy ish o‘rinlariga joylashtirish hamda ularning daromad manbalarini kengaytirish borasida amalga oshirilayotgan ishlar atroflicha tahlil qilindi. Xususan, mahalla hokim yordamchisi tomonidan ehtiyojmand fuqarolarni qo‘llab-quvvatlash, ularni tadbirkorlik faoliyatiga jalb etish borasida samarali ishlar olib borilayotgani qayd etildi.

❗️Jumladan, Munis-Xorazmiy mahallasi Tadbirkor ko‘chasi 54-uyda istiqomat qiluvchi fuqaro Masharipov Murod Ro‘zimovichning bandligini ta’minlash maqsadida unga yuk mototsikli olib berishda amaliy yordam ko‘rsatilgani alohida ta’kidlandi. Mazkur ko‘mak fuqaroning o‘zini o‘zi band qilishiga, barqaror daromad topishiga xizmat qilmoqda.

📁Mazkur o‘rganishlar davomida aniqlangan ijobiy tajribalarni kengaytirish, mavjud muammolarni bartaraf etish hamda aholi bandligini yanada oshirish yuzasidan tegishli tavsiyalar berildi.

📆Shu kabi amaliy ishlar orqali mahallalarda ijtimoiy-iqtisodiy barqarorlikni ta’minlash, aholining turmush darajasini yaxshilashga erishilmoqda.