#_Deputat_faoliyati

Aholi murojaatlari o‘rganildi

️ Xalq deputatlari tuman Kengashi kotibiyati mudiri M.Ashurov, tuman Kengashi deputati A.Ro'ziyevlar tumandagi "Ehtirom" mahallasi fuqarolar tomonidan ko‘tarilgan murojaatlarni manzilli o‘rganishdi.

 O‘rganish davomida fuqarolar tomonidan ijtimoiy-iqtisodiy sohalarga oid qator masalalar, jumladan, yo‘l infratuzilmasini yaxshilash, bandlikni ta’minlash, ijtimoiy yordamlar hamda boshqa dolzarb muammolar yuzasidan murojaatlar ko‘rib chiqildi.

️ Kelib tushgan murojaatlar deputat tomonidan belgilangan tartibda ro‘yxatga olinib, ularni hal etish yuzasidan tegishli tashkilot va muassasalarga deputat so‘rovlari yuborish, shuningdek, mutasaddi idoralar bilan hamkorlikda amaliy choralar ko‘rish belgilab olindi.

Ayrim masalalar joyida ijobiy hal etildi, qo‘shimcha o‘rganish talab etiladigan murojaatlar esa nazoratga olindi.

Deputat tomonidan fuqarolar bilan ochiq muloqotni muntazam davom ettirish, ularning qonuniy manfaatlarini himoya qilish hamda hududda mavjud muammolarni tizimli hal etish bo‘yicha ishlar izchil olib borilishi ta’kidlandi.