🔹O‘zbekiston Respublikasining “Jismoniy va yuridik shaxslarning murojaatlari to‘g‘risida”gi Qonuni talablariga muvofiq, Bo‘stonliq tumani hududidagi “Dumaloq” mahallasida istiqomat qiluvchi fuqarolarning murojaatlari xalq deputatlari Bo‘stonliq tumani Kengashi raisi O.Babayev, deputat Ashurov tomonlaridan “mahalla yettiligi” a’zolari hamda murojaatchilar ishtirokida ko‘rib chiqildi.

🔹Suhbat chog‘ida mahalla fuqarolar yig‘ini binosining bo‘sh turgan qismidan samarali foydalanish to‘g‘risida takliflar, ishsiz yoshlar va xotin-qizlarni doimiy ish bilan ta’minlash, ularni tadbirkorlikka jalb qilish, kasbiy o‘quv kurslariga yo‘naltirish orqali bandlikni oshirish, hududda jinoyatchilik va huquqbuzarliklarning oldini olish kabi masalalar atroflicha muhokama qilindi.

🔹O‘rganish jarayonida fuqarolar tomonidan bildirilgan murojaatlar va takliflarga huquqiy tushuntirishlar berildi Bu kabi ochiq muloqotlar aholi muammolarini joyida hal etish, fuqarolar bilan yaqindan ishlash va hududlarda ijtimoiy barqarorlikni ta’minlashda muhim ahamiyat kasb etishi alohida qayd etildi