Xalq deputatlari Qibray tuman Kengashi deputatlari G.To‘xtanazarova, Sh.Abdullayeva, Kengash kotibiyati mudiri O.Toirov hamda kotibiyat bosh mutaxassisi G.Aripovalar tomonidan O‘nqo‘rg‘on mahallasida amaliy o‘rganish ishlari olib borildi.

O‘rganish jarayonida “mahalla yettiligi” bilan hamkorlikda hudud aholisi bilan ochiq muloqot tashkil etilib, fuqarolarni qiynayotgan dolzarb masalalar tinglandi. Bildirilgan murojaatlar atroflicha tahlil qilinib, ularni hal etish yuzasidan mas’ullarga tegishli tavsiyalar berildi.

Shuningdek, aniqlangan muammolarni tizimli ravishda bartaraf etish, aholining turmush sharoitini yaxshilash hamda mahallalarda olib borilayotgan ishlar samaradorligini oshirish bo‘yicha aniq chora-tadbirlar belgilab olindi.

 Bu kabi o‘rganishlar hududlarda mavjud muammolarni o‘z vaqtida aniqlash va samarali yechim topishda muhim ahamiyat kasb etmoqda.