1-S.Ayniy saylov okrugi deputati, Romitan tuman hokimi U.Barnoyev  Tarnaut va Hofizrabot mahalla fuqarolar yig’inlarida dehqon xo’jaliklari uchun ajratilgan yer maydonlaridan samarali foydalanish, ayniqsa, “Bir kontur – bir mahsulot” tamoyili asosida issiqxona xo’jaliklarini tashkil etishda duch kelinayotgan muammolar xususida hudud aholisi vakillari bilan uchrashuv o’tkazildi.

Hududda aholi bandligini ta’minlash, ishsizlikni kamaytirish va fuqarolarni doimiy daromad manbai bilan ta’minlashga qaratilgan ishlar  o’rganildi.

Ma’lumki, qishloq xo’jaligida yer resurslaridan oqilona foydalanish, aholi bandligini ta’minlash va daromad manbalarini ko’paytirish bugungi kunning ustuvor vazifalaridan biri hisoblanadi.

Shu nuqtai nazardan, dehqon xo’jaliklariga ijara asosida ajratilgan yer maydonlarida intensiv usullarni joriy etish muhim ahamiyatga ega.

“Bir kontur – bir mahsulot” tamoyili asosida har bir ajratilgan yer maydonida ma’lum bir turdagi mahsulot yetishtirishga ixtisoslashish, mahsulot sifatini yaxshilash, bozor talabiga mos ravishda yetishtirishni ta’minlaydi.

Issiqxona xo’jaliklari esa yil davomida mahsulot yetishtirish imkonini beradigan eng samarali yo’nalishlardan biri hisoblanadi.

Ayniqsa, pomidor, bodring, bulg’or qalampiri, ko’katlar kabi talab yuqori bo’lgan mahsulotlarni yetishtirish orqali yuqori daromadga erishish mumkin.