2026-yil 17-aprel kuni Xalq deputatlari Tuproqqal’a tumani Kengashining navbatdagi sessiyasida Kadastr agentligi tuman bo‘limining 2025-yil davomida yer va kadastr sohasida amalga oshirgan ishlari yuzasidan axboroti ko‘rib chiqildi.

Ma’lumotlarga ko‘ra, hisobot davrida:

* 447 ta yerlarni o‘zboshimchalik bilan egallash holatlari aniqlangan;

* 365 ta noqonuniy qurilish qayd etilgan;

* 87,9 gektar yer maydoni maqsadsiz foydalanilgani uchun zaxiraga qaytarilgan;

* 16 ta ko‘chmas mulk obyektida huquqiy kamchiliklar bartaraf etilgan.

Shuningdek, noqonuniy qurilishlarni aniqlash va oldini olish, yer maydonlaridan samarali foydalanishni ta’minlash hamda zamonaviy texnologiyalar asosida monitoringni kuchaytirish bo‘yicha tegishli vazifalar belgilandi.

Qarorga muvofiq, deputatlarga joylarda jamoatchilik nazoratini kuchaytirish, hokimlik va mutasaddi tashkilotlarga esa qonunbuzilishlarning oldini olish bo‘yicha tizimli ishlarni tashkil etish topshirildi.

Mazkur qarorning ijrosi doimiy komissiya tomonidan nazoratga olindi.