Xalq deputatlari Tuproqqal’a tuman Kengashi raisi, deputat X. Sultonov tomonidan Muxabbat mahallasida sayyor uchrashuv o‘tkazildi. Unda “mahalla yettiligi” a’zolari ishtirok etib, hududdagi mavjud muammolar muhokama qilindi.

Uchrashuv jarayonida aniqlangan masalalar yuzasidan tegishli tashkilotlar bilan joyida bog‘lanilib, muammolarni bartaraf etish bo‘yicha aniq topshiriqlar berildi. Shuningdek, zarur hollarda deputat so‘rovlari kiritish masalalari ko‘rib chiqildi.

Shu bilan birga, “mahalla yettiligi” xodimlariga kelgusida yuzaga kelishi mumkin bo‘lgan muammolarni atroflicha o‘rganish, ularni tizimli ravishda tahlil qilish hamda qonunchilik doirasida amaliy yordam ko‘rsatish yuzasidan tavsiyalar berildi.

Mazkur uchrashuvdan ko‘zlangan asosiy maqsad — hududlarda muammolarni tezkor aniqlash va ularni samarali hal etish orqali aholining turmush darajasini oshirishdan iborat.