Joriy yilning 20-yanvar kuni Senatda Xotin-qizlar, madaniyat va sport masalalari qo‘mitasi hamda Xalq demokratik partiyasi Toshkent viloyati kengashi hamkorligida davra suhbati tashkil etildi.

Tadbirda viloyat kengashi vakillari, senatorlar, mutaxassislar hamda jamoatchilik vakillari ishtirok etdi. Ishtirokchilar O‘zbekiston Respublikasi Prezidentining Oliy Majlisga va mamlakatimiz xalqiga yo‘llagan Murojaatnomasining mazmun-mohiyati, unda belgilangan ustuvor vazifalar hamda ularni amalga oshirishda vakillik organlarining o‘rni va masʼuliyati atroflicha muhokama qildi.

Muhokama jarayonida senator Malika Kodirxonova Murojaatnomada ko‘tarilgan dolzarb masalalarga to‘xtalib, davlat dasturlari va islohotlarni amalga oshirishda mahalliy vakillik organlarining faol ishtirokini taʼminlash muhimligini taʼkidladi. Shuningdek, xotin-qizlarni qo‘llab-quvvatlash, madaniyat va sport sohalarini rivojlantirish bo‘yicha belgilangan vazifalarni joylarda samarali ijro etish haqida ham fikr yuritildi.

Davlat organlari va fuqarolik jamiyati institutlari o‘rtasida o‘zaro hamkorlikni yana-da mustahkamlash, jamoatchilik nazoratini kuchaytirish hamda qabul qilinayotgan qarorlar ijrosini taʼminlashda parlament nazorati mexanizmlaridan samarali foydalanish zarurligi alohida qayd etildi.

https://t.me/TV_Kengash