🔹Xalq deputatlari Bo‘stonliq tumani Kengashining 2026-yilning aprel oyiga mo‘ljallangan ish rejasiga asosan O‘zbekiston Respublikasi Prezidentining 2018-yil 14-apreldagi PQ-3666-son qarori ijrosi yuzasidan Davlat xizmatlari markazi va FHDY bo‘limi tomonidan amalga oshirilayotgan ishlar O‘zbekiston Xalq demokratik partiyasidan saylangan deputatlar S.Madjitov va J.Sadirov tomonlaridan kotibiyat xodimi N.Kurganova hamda markaz rahbari Sh.Mirzaxmedov ishtirokida o‘rganildi.

🔹Oʻrganish davomida Davlat xizmatlari markazi hamda FHDY bo‘limi to‘liq tarkibdagi xodimlar bilan faoliyat olib borayotganligi, fuqarolar uchun elektron navbat yo‘lga qo‘yilganligi, onalar va bolalari xonasi va maydonchasi mavjudligi, elektron ma’lumot olish vositasi soz holda ishlab turganligi va fuqarolar uchun kutish joylari va boshqa sharoitlar yaratilganligi, shuningdek, Davlat xizmatlar markazida fuqarolarga qulayliklar yaratish maqsadida to‘lovlarni amalga oshirish uchun kassa xizmati tashkil qilinganligi aniqlandi.

🔹Davlat xizmatlar markazi kuniga 300-350 nafar fuqarolarga navbat asosida hamda nogiron va keksa fuqarolarga navbatsiz xizmat ko‘rsatayotganligi, fuqarolar murojaatlarining asosiy qismi uy-joy kadastr hujjatlarini rasmiylashtirish yuzasidan berilayotganligi, shu bilan birga FHDY bo‘limiga kuniga 70-130 nafargacha fuqarolar oila qurish uchun hamda 100 nafargacha fuqarolar ajrim bo‘yicha ariza berishayotganligi, bo‘limning elektron bazasida 1936-yildan beri rasmiylashtirilgan ma’lumotlar elektron arxivda saqlanayotganligi ma’lum qilindi.