Xalq deputatlari Ishtixon tuman Kengashi deputati Z.Abdurazzaqova tomonidan o‘z saylov okrugidagi Do‘stlik mahallasida Xalq deputatlari Ishtixon tuman Kengashi kotibiyati mudiri N.Kiyamov hamda deputat M.Raximov bilan birgalikda hokim yordamchisi faoliyati, xususan aholini kambag‘allikdan chiqarish borasida amalga oshirilayotgan ishlar o‘rganildi.

O‘rganish jarayonida aniqlanishicha, mahallada faoliyat yuritayotgan hokim yordamchisi Jumanov Akram tomonidan joriy yilning 1-choragi davomida 29 nafar fuqarolar doimiy ish bilan ta’minlangan. Shuningdek, 22 nafar fuqarolarga imtiyozli kredit olish uchun tavsiyalar berilib, kredit ajratilishiga ko‘maklashilgan. 4 nafar fuqarolar kasbiy ko‘nikmalar markazida o‘qitilgan hamda mahalla hududida 5 ta mikroloyiha ishga tushirilgan.

Natijada mahalladagi kambag‘allik darajasi 3,9 foizni tashkil etib, amalga oshirilgan ishlar ijobiy baholanib, qoniqarli deb topildi.

Kelgusida mahallaning ixtisoslashuv darajasini oshirish maqsadida uzumchilik yo‘nalishini rivojlantirish bo‘yicha ishlarni kengaytirish zarurligi ta’kidlandi.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)