Xalq deputatlari Ishtixon tumani Kengashi deputati Manzura Umirovaning deputat so‘roviga asosan, Ishtixon tumani 6-son oilaviy poliklinikasi binosini rekonstruksiya qilish va qo‘shimcha 50 qatnovli bino qurish ishlari yuzasidan Sog‘liqni saqlash bo‘limining rasmiy javobi olindi.

Ma’lum qilinishicha, O‘zbekiston Respublikasi Prezidentining 2025-yil 27-dekabrdagi PQ-393-son qaroriga muvofiq amalga oshirilayotgan loyiha qiymati 2 mlrd 476 mln so‘mni tashkil etadi.

2026-yil I choragi davomida:

mavjud eski bino va inshootlarni buzish ishlari to‘liq yakunlangan;

qurilish maydoni keyingi bosqich ishlari uchun tayyor holatga keltirilgan.

Loyiha doirasida 6-son oilaviy poliklinikani 1-tip oilaviy poliklinikaga moslashtirish hamda qo‘shimcha 50 qatnovli yangi bino barpo etish ko‘zda tutilgan.

Qayd etilishicha, qurilish-rekonstruksiya ishlari tasdiqlangan loyiha-smeta hujjatlari va ishlar grafigi asosida bosqichma-bosqich amalga oshiriladi. Obyektni foydalanishga topshirish muddati 2026-yil 15-iyul etib belgilangan bo‘lib, uni muddatida yakunlash imkoniyati mavjud.

Deputatlik nazorati doirasida mazkur obyekt bo‘yicha ishlar muntazam o‘rganib boriladi.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)