Qonunlar targ‘iboti: aholi bilan ochiq muloqot tashkil etildi

Xalq deputatlari tuman Kengashining 16-Sardoba saylov okrugi deputati Xonimqulov Baxodir Toshmurodovich tomonidan saylovchilar ishtirokida qonunchilik targ‘ibotiga bag‘ishlangan uchrashuv tashkil etildi.

🔸Mazkur tadbirda fuqarolarga amaldagi qonun hujjatlarining mazmun-mohiyatini tushuntirish, ularning ahamiyatini keng yoritishga alohida e’tibor qaratildi. Jumladan, «O‘zbekiston Respublikasining Davlat tili haqida»gi Qonunga kiritilgan o‘zgartish va qo‘shimchalar, “Ilm-fan va ilmiy faoliyat to‘g‘risida”, “Maktabgacha ta’lim va tarbiya to‘g‘risida” hamda “Ta’lim to‘g‘risida”gi qonunlarning asosiy normalari, ularning amaliyotdagi o‘rni va aholi hayotidagi ahamiyati batafsil tushuntirib berildi.

🔸Uchrashuv davomida ishtirokchilar bilan ochiq muloqot yo‘lga qo‘yilib, savol-javoblar o‘tkazildi. Fuqarolarni qiziqtirgan masalalar yuzasidan aniq va batafsil javoblar berildi, shuningdek, ayrim muammolar yuzasidan tegishli tushuntirishlar va huquqiy maslahatlar taqdim etildi.

✔️Tadbir yakunida qonun hujjatlarini aholi o‘rtasida keng targ‘ib qilish, huquqiy madaniyatni yuksaltirish hamda fuqarolarning huquq va manfaatlarini ta’minlash yo‘lida bunday uchrashuvlarni muntazam tashkil etish muhimligi ta’kidlandi.