Xalq deputatlari Ishtixon tuman Kengashi deputati S.Abdug‘aniyev tomonidan Namuna mahallasida ijtimoiy sohada olib borilayotgan ishlar o‘rganildi.

O‘rganish jarayonida mahalladagi ijtimoiy xodim tomonidan aholining ijtimoiy ehtiyojmand qatlamlariga xizmat ko‘rsatish, kam ta’minlangan oilalarga nafaqa va moddiy yordam tayinlash hamda to‘lovlarni amalga oshirish ishlari tahlil qilindi.

Aniqlanishicha, ijtimoiy xodim Fayziyeva Dilrabo tomonidan mahallada 83 ta oila ijtimoiy reyestrga kiritilgan. Bundan tashqari, 25 ta oila davlat ta’minotiga muhtoj sifatida ro‘yxatda turibdi. Shuningdek, 51 ta kam ta’minlangan oila aniqlanib, ularga muntazam ravishda ijtimoiy yordam ko‘rsatib kelinmoqda.

Mazkur yo‘nalishda olib borilayotgan ishlar tizimli ravishda yo‘lga qo‘yilgan bo‘lib, aholining ijtimoiy himoyasini ta’minlash borasidagi faoliyat qoniqarli darajada tashkil etilgan.

Bu kabi o‘rganishlar joylarda ijtimoiy xizmatlar sifatini yanada oshirishga xizmat qiladi.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)