Xalq deputatlari Ishtixon tuman Kengashi raisi Z.Naxalov hamda Xalq deputatlari Ishtixon tuman Kengashi kotibiyati mudiri N.Kiyamov tomonidan Do‘stlik mahallasida 2025-yilda O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondi mablag'lari evaziga qurilgan bolalar o‘yingohining foydalanish holati joyiga chiqib o‘rganildi.

O‘rganish jarayonida o‘yingohning texnik holati, jihozlarning saqlanishi hamda bolalar uchun yaratilgan sharoitlar atroflicha ko‘zdan kechirilib, ob’ektning belgilangan talab va me’yorlarga muvofiqligi hamda undan samarali foydalanish holati tahlil qilindi.

Shu bilan birga, mazkur turdagi zamonaviy bolalar o‘yingohlari barcha mahallalarda ham barpo etilmaganligi sababli, mavjud imkoniyatdan oqilona va samarali foydalanish zarurligi alohida ta’kidlandi. Shu nuqtai nazardan, Do‘stlik mahallasidagi o‘yingoh bolalar uchun muhim dam olish va sog‘lom muhit yaratish maskani sifatida alohida ahamiyat kasb etishi qayd etildi.

Shuningdek, mahalla raisi hududning obodonlashtirilishi va tozaligini ta’minlashda mas’ul shaxs sifatida ushbu maskanning doimiy tartibda saqlanishi, sanitariya holatini yaxshilash hamda aholi o‘rtasida jamoatchilik nazoratini kuchaytirish borasida mas’uliyatni yanada oshirishi lozimligi ta’kidlandi.

O‘rganish davomida o‘yingoh hududida ayrim joylarda maishiy chiqindilar to‘planib qolganligi ham kuzatilib, bu holat ob’ektning umumiy ko‘rinishi va foydalanish madaniyatiga salbiy ta’sir ko‘rsatayotgani qayd etildi.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)