Xalq deputatlari Ishtixon tumani Kengashining 2026-yil 6-apreldagi VII-20-35-7-95-K/26-son qarori bilan tumandagi “Yangi-Kent”, “Mehnat-Rohat” va “Ming-Chinor” nasos stansiyalarini modernizatsiya qilish bo‘yicha takliflar ma’qullandi.

Mazkur qaror orqali ushbu nasos stansiyalarida eskirgan uskunalarni yangilash, energiya tejamkor texnologiyalarni joriy etish hamda suv yetkazib berish tizimini yanada yaxshilash ishlari amalga oshiriladi.

❔ Qaror nima uchun muhim?

Bugungi kunda ushbu nasos stansiyalari orqali minglab gektar ekin maydonlari suv bilan ta’minlanmoqda. Ularning texnik holatini yaxshilash esa:

🔹 sug‘orish suvi yetib borishini barqarorlashtiradi;

🔹 elektr energiyasi sarfini kamaytiradi;

🔹 nasos stansiyalaridagi nosozlik va uzilishlarning oldini oladi;

🔹 fermer va dehqonlarning mavsumdagi muammolarini kamaytiradi;

🔹 qishloq xo‘jaligi hosildorligini oshirishga xizmat qiladi.

Ayniqsa, “Yangi-Kent”, “Mehnat-Rohat” va “Ming-Chinor” nasos stansiyalarining modernizatsiya qilinishi kelgusida suv ta’minotidagi uzilishlarni kamaytirish, qishloq xo‘jaligi yerlarini o‘z vaqtida sug‘orish va suv resurslaridan yanada samarali foydalanish imkonini beradi.

Eng muhimi, ushbu ishlar endi faqat taklif darajasida emas, balki Xalq deputatlari Ishtixon tumani Kengashining rasmiy qarori bilan tasdiqlandi.

✅ Endilikda modernizatsiya ishlari, ajratiladigan mablag‘lar va bajariladigan vazifalar Kengash nazoratida bo‘ladi.

Bu esa Xalq deputatlari Ishtixon tumani Kengashi hududdagi eng dolzarb masalalar — suv, qishloq xo‘jaligi va aholi manfaatlari bilan bog‘liq muammolarni hal etish ustida amaliy ishlayotganini ko‘rsatadi.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)