Xalq deputatlari Ishtixon tumani Kengashi deputati Gulmira Safarova tomonidan Ishtixon tumanidagi 15-son oilaviy poliklinika binosini rekonstruksiya qilish va uning o‘rnida yangi 50 qatnovli bino barpo etish ishlari yuzasidan deputat so‘rovi yuborildi.

➕ O‘zbekiston Respublikasi Prezidentining 2025-yil 27-dekabrdagi PQ-393-son qaroriga muvofiq, mavjud poliklinika binosi o‘rniga yangi 50 qatnovli bino qurilib, u 1-tip oilaviy poliklinika talablariga moslashtirilishi belgilangan.

Deputat so‘rovda quyidagi masalalar yuzasidan asoslantirilgan ma’lumot taqdim etish so‘ralgan:

🔹 2026-yil I choragi davomida qanday ishlar amalga oshirilgani;

🔹 qurilish va rekonstruksiya jarayonining bugungi holati;

🔹 obyektni belgilangan muddatlarda foydalanishga topshirish imkoniyati;

🔹 bajarilayotgan ishlarning sifati va qurilish ustidan nazorat holati.

Yangi poliklinika binosining qurilishi aholi uchun zamonaviy va qulay tibbiy xizmat ko‘rsatish imkoniyatlarini kengaytiradi. Ayniqsa, 1-tip oilaviy poliklinika talablari asosida tashkil etilishi natijasida fuqarolar uchun birlamchi tibbiy xizmatlar sifati va qamrovi yanada yaxshilanadi.

✅ Deputat tomonidan yuborilgan ushbu so‘rov orqali davlat dasturida belgilangan vazifalarning ijrosi, ajratilgan mablag‘larning maqsadli sarflanishi hamda qurilish ishlari sifati ustidan samarali deputatlik nazorati amalga oshirilmoqda.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)