Xalq deputatlari Ishtixon tumani Kengashining 2026-yil 6-apreldagi VII-20-32-7-95-K/26-son qarorida tumanda favqulodda vaziyatlarning oldini olish, moddiy-texnik bazani mustahkamlash va aholining xavfsizligini yanada kuchaytirish bo‘yicha aniq vazifalar belgilangan edi.

Mazkur qarorda olis hududlarda tezkor yong‘in-qutqaruv xizmatlarini kuchaytirish, zamonaviy texnika va vositalar bilan ta’minlash zarurligi alohida qayd etilgan.

Bugun ushbu qaror ijrosi doirasida tumanga zamonaviy ISUZU FTR 34L rusumli AL-4.0-50 yong‘in-qutqaruv avtomobili topshirildi.

Tadbir davomida tuman hokimi yangi maxsus texnikaning kalitini tantanali ravishda Favqulodda vaziyatlar bo‘limi xodimlariga topshirdi.

🚨 Yangi texnika:

🔹 2026-yilda ishlab chiqarilgan;

🔹 barcha zarur yong‘in o‘chirish va qutqaruv jihozlari bilan jihozlangan;

🔹 yong‘in sodir bo‘lgan hududga tezkor yetib borish imkoniyatiga ega;

🔹 favqulodda vaziyatlarda inson hayoti va mol-mulkini saqlab qolishga xizmat qiladi.

Ayniqsa, tumanning chekka va olis hududlarida yong‘in va boshqa favqulodda vaziyatlarga tezkor javob berish imkoniyati yanada kengayadi.

Bu esa Kengash qarorida ko‘tarilgan talablar amalda bajarilayotganini, aholining xavfsizligi ustuvor masala ekanini yana bir bor tasdiqlaydi.

✅ Endilikda Ishtixonda favqulodda vaziyatlarning oldini olish va yong‘inlarni bartaraf etish bo‘yicha imkoniyatlar yanada kuchaydi.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)