📌 Sherobodda oilaviy nizolarni bartaraf etishga qaratilgan uchrashuv o‘tkazildi

👥 Xalq deputatlari Surxondaryo viloyat Kengashi 4-Sherobod saylov okrugi deputati R. Xolmirzayeva, Xalq deputatlari Sherobod tuman Kengashi kotibiyati mudiri O. Tursunov hamda “Madad” nodavlat notijorat tashkiloti bosh mutaxassisi S. Ochilov hamkorligida oilaviy nizolashib yurgan hamda ajrim yoqasiga kelib qolgan fuqarolar ishtirokida uchrashuv tashkil etildi.

⚖️ Uchrashuv davomida ishtirokchilarga oilaviy munosabatlar, nikoh va ajrim bilan bog‘liq qonunchilik normalari, fuqarolarning huquq va majburiyatlari yuzasidan batafsil tushuntirishlar berildi.

💬 Shuningdek, ochiq muloqot tarzida o‘tkazilgan yig‘ilishda fuqarolarning muammolari tinglanib, ularni ijobiy hal etish, oilalarni saqlab qolish hamda sog‘lom ijtimoiy muhitni mustahkamlash bo‘yicha amaliy tavsiyalar bildirildi.

🤝 Tadbir yakunida oilaviy qadriyatlarni mustahkamlash, nizolarni bartaraf etishda huquqiy bilim va madaniyat muhim omil ekani alohida ta’kidlandi.