AHOLI MUAMMOLARI E’TIBOR MARKAZIDA:
DEPUTATLIK SO‘ROVI YUBORILDI 

🔹 Xalq deputatlari Farg‘ona tuman
Kengashi deputati Ozodaxon Dadajonova tomonidan aholi murojaatlariga asoslangan
holda muhim masala yuzasidan deputatlik so‘rovi yuborildi. 

🔹
Unda Farg‘ona tumani “Navro‘z” MFY aholisi tomonidan ko‘tarilayotgan dolzarb
muammolar — hududda yangi barpo etilgan 63-sonli umumiy o‘rta ta’lim maktabiga
olib boruvchi “Ittifoq” va “Charag‘on” ko‘chalari hamda asosiy qatnov yo‘lining
bir qismi hanuz asfaltlashtirilmagani alohida qayd etildi. Mazkur holat,
ayniqsa, o‘quvchilar va ota-onalar uchun jiddiy noqulayliklar keltirib chiqarmoqda. 

🔹
Shuningdek, ushbu hududda jamoat transporti qatnovining yo‘lga qo‘yilmagani
aholining kundalik hayotiga salbiy ta’sir ko‘rsatayotgani ta’kidlanib, mas’ul
tashkilotlardan muammoni kechiktirmasdan hal etish, yo‘l infratuzilmasini
yaxshilash va transport qatnovini yo‘lga qo‘yish bo‘yicha aniq va amaliy
choralar ko‘rish so‘ralgan.