Ózekstan Respublikası Prezidentiniń 2026-jıl 5-fevraldaǵı “2026-jılda aymaqlardı rawajlandırıw arqalı xalıqtıń dáramatın arttırıw, turaqlı jumıs orınların jaratıw hámde kámbaǵallıqtı qısqartırıw ilajları haqqında”ǵı PQ-49-sanlı qararı hám usı tiykardaǵı Qaraqalpaqstan Respublikası Joqarǵı Keńesi Prezidiumınıń 2026-jıl 6-marttaǵı “Awır rayonlar hám máhállelerdi kompleksli rawajlandırıw baǵdarlamaların tastıyıqlaw haqqında”ǵı 617-sanlı qararı menen Bozataw rayonın rawajlandırıw baǵdarlamaları tiykarında rayon orayındaǵı 95V038 "Kazanketken awılı – Kókshiel elatı" avtomobil jolınıń (16,7 km den 35 km ge shekem) 18,3 km bólegin ońlaw hám túngi jaqtılandırıwlar qurıw belgilengen bolıp búgingi kúnde bul jumislar baslap jiberildi.

Ámelge asırılıp atırǵan jumıslardı qadaǵalaw maqsetinde Xalıq deputatarı Bozataw rayonlıq Keńesi 1-sanlı “Palwash ataw” saylaw okruginen deputat, rayonlıq Keńes sekretariat baslıǵı A.Ibragimov hám deputat (ÓzXDP) Sh.Berdaxov penen birgelikte jumıslar barısın kózden ótkerdi. Bul jumıslar Qaraqalpaqstan Respublikası Avtomobil jolları bas basqarması tárepinen ámelge asırılmaqta.

"Xalıqtıń razılıǵı - eń úlken baha. Jolı abat eldiń - kewli abat, turmısı rawan boladı. Usı iygilikli islerge úles qosqan hár bir insanǵa xalıq atınan úlken minnetdarshılıq bildiremiz!" – deydi máhálle biyleri.