DEPUTATLIK SO‘ROVIGA JAVOB: HUDUDDA YIRIK
LOYIHALAR VA RIVOJLANISH SUR’ATI 

🔹 Xalq deputatlari tuman Kengashi
deputati Ozodaxon Dadajonova tomonidan ko‘tarilgan masala yuzasidan tegishli
tashkilotlar tomonidan atroflicha o‘rganish ishlari olib borilib, amaldagi
qonunchilik talablari asosida rasmiy javob taqdim etildi. 

🔹 Mazkur javobda tumanda bugungi
kunda yirik investitsiya loyihalari izchil amalga oshirilayotgani, xususan, 100
mln dollarlik “Farg‘ona Yevroosiyo xalqaro savdo markazi” hamda 142 mln
dollarlik chiqindilarni yoqish orqali elektr energiyasi ishlab chiqarish
loyihalari hudud iqtisodiy rivojida muhim o‘rin tutayotgani alohida
ta’kidlandi. 

🔹 Shuningdek, meva-sabzavot va quritilgan
mahsulotlarni eksport qilish, malina yetishtirish hamda zamonaviy gul
plantatsiyalarini tashkil etishga qaratilgan eksportbop loyihalar kengayib
borayotgani, bu esa yangi ish o‘rinlari yaratish, aholi daromadlarini oshirish
va infratuzilmani bosqichma-bosqich yaxshilashga xizmat qilayotgani qayd etildi.