2026-jıl 13-aprel kúni deputatlar xanasında Xalıq deputatları Taxtakópir rayonlıq Keńesiniń Agrar, suw xojalıǵı máseleleri hám ekologiya boyınsha turaqlı komissiyası májilisi bolıp ótti.   

 Májilis kún tártibinde tómendegi máseleler qaraldı:

Birinshi Taxtakópir rayonı hákiminiń ekologiya hám Aralboyı aymaǵın rawajlandırıw máseleleri boyınsha birinshi orınbasarı A.Djumaniyazovtıń "Ózbekstan Respublikası Prezidentiniń 2025-jıl 30-may kúngi “Jasıl mákan” ulıwma milliy joybar sheńberinde hám toǵaylardı basqarıw sistemasında reformalardı izbe-iz dawam ettiriw, jasıl aymaqlardı keńeytiw ilajları haqqında”ǵı PF-90-sanlı Pármanı orınlanıwı boyınsha esabatı tıńlandı.

Bunnan soń kún tártibindegi ekinshi másele boyınsha Taxtakópir rayonı «Suw jetkerip beriw xızmeti» mámleketlik mákemesi qánigesi A.Arzimovtıń Taxtakópir rayonındaģı fermer xojalıqları, klasterler hám basqa da suw tutınıwshılarına 2026-jıl vegetatciya dáwirinde ajıratılģan suw limiti hám haqıyqıy alınatuģın suw múģdarın tastıyıqlaw haqqındaǵı usınısı tıńlandı.

Kún tártibindegi máseleler tiyisli tártipte qarap shıǵılıp, hár tárepleme dodalanıp, bildirilgen pikir-usınıslar tiykarında rayonlıq Keńestiń gezektegi sessiya májilisine usınıw boyınsha sheshim qabıl etildi.