Dastlab, deputat mahallada “Mahalla yettiligi” faoliyati bilan yaqindan tanishdi. Muloqot davomida “Mahalla yettiligi” o‘zaro hamkorligi, aholi muammolarini hal etishdagi samaradorligi hamda “ijtimoiy daftarlar” bilan ishlash holati tahlil qilindi. I.Tangirov har bir mas’ul xodim o‘z yo‘nalishi bo‘yicha aholi bilan manzilli ishlashi lozimligini alohida ta’kidladi.

Shuningdek, o‘rganishlar davomida mahalladagi obodonchilik ishlari hamda ko‘p qavatli uy-joylar atrofining holati ko‘zdan kechirildi. Deputat uylar atrofidagi ozodalik, sug‘orish tizimlari, tungi yoritish chiroqlari va bolalar maydonchalarining talab darajasida ekanligiga e’tibor qaratdi.

O‘rganish yakunida aniqlangan ba’zi kamchiliklarni bartaraf etish, ko‘p qavatli uylar atrofini yanada obod qilish yuzasidan mahalla faollari va mas’ul boshqaruv servis kompaniyalari vakillariga tegishli tavsiyalar berildi. Mazkur masalalar ijrosi deputatlik nazoratiga olindi.