Yettinchi chaqiriq xalq deputatlari Toshloq tumani Kengashining o‘n sakkizinchi sessiyasi bo‘lib o‘tdi. 

 Sessiyada tumanni ijtimoiy-iqtisodiy rivojlantirish, davlat organlari faoliyati samaradorligini oshirish hamda mahalliy budjet ijrosiga oid qator muhim masalalar ko‘rib chiqildi.  

 Sessiya kun tartibidagi:  

O‘zbekiston Respublikasi Prezidentining 2024-yil 24-maydagi “Ma’muriy islohotlar doirasida adliya
organlari va muassasalarining mas’uliyatini yanada oshirish hamda ixcham boshqaruv tizimini shakllantirish to‘g‘risida”gi PF-80-son Farmoni ijrosi yuzasidan amalga oshirilgan ishlar haqida; 

O‘zbekiston Respublikasi Prezidentining 2026-yil 5-fevraldagi “Ko‘p kvartirali uylarni boshqarish
tizimini yanada takomillashtirish bo‘yicha qo‘shimcha chora-tadbirlar to‘g‘risida”gi PQ-48-sonli qarori ijrosi to‘g‘risida; 

Toshloq tuman prokuraturasining 2025-yil davomida amalga oshirgan faoliyati to‘g‘risida; 

Toshloq tumanidagi davlat organlari va tashkilotlarining 2025-yil davomida norma ijodkorligi va huquqni qo‘llash amaliyoti holati to‘g‘risida; 

Toshloq tumani Soliq inspeksiyasi tomonidan 2025-yil davomida amalga oshirilgan ishlar haqida;  

Toshloq tuman Tibbiyot birlashmasi tomonidan 2025-yilda amalga oshirilgan ishlar to‘g‘risida; 

Toshloq tumani mahalliy budjetining 2025-yil IV-chorakdagi ijrosi to‘g‘risida; 

2025-yil 4-chorak yakuni bo‘yicha jamoatchilik fikri asosida shakllantirilgan tadbirlarni moliyalashtirishga yo‘naltirilgan mablag‘lar hisoboti to‘g‘risida; 

Toshloqtumani mahalliy budjetining 2026-yil boshiga shakllangan erkin qoldiq mablagʻlarini yo‘naltirish to‘g‘risida mas’ullarning axborot va hisobotlari eshitildi. 

 Sessiya yakunida kun tartibidagi barcha masalalar yuzasidan tegishli qarorlar qabul qilindi.