Xalıq deputatları Bozataw rayonlıq Keńesi "Adolat" SDP deputatı K.Tileumuratova, Ózbekstan "Adolat" SDP Bozataw rayonlıq Keńesi baslıǵı A.Kóshekbaev hám rayonlıq Sanitariya-epidemiologiyalıq tınıshlıq hám jámiyet salamatlıǵı bólimi xızmetkeri menen birgelikte xalıqtı sapalı hám qáwipsiz azıq-awqat ónimleri menen támiyinlew, bazarlarda bahanıń turaqlılıǵın saqlaw máselelerine turaqlı itibar qaratıw maqsetinde jámiyetlik qadaǵalaw ilajın ótkerdi. 

2026-jıl fevral ayında deputatlıq toparınıń baslaması menen sapasız ónim islep shıǵarıw jaǵdayları hám ayırım isbilermenler tárepinen bahanı jasalma túrde kóteriwge háreketler boyınsha rayon aymaǵındaǵi azıq-awqat dúkanlarında úyreniw hám túsindiriw jumısları alıp barıldı. 

Úyreniwler procesinde satıwdaǵı azıq-awqat ónimleriniń saqlanıw sharayatı, sanitariyalıq talaplarǵa ámel etiliwi, ónimlerdiń sapası hám bahalarınıń qáliplesiwine ayrıqsha itibar qaratıldı.