Xalıq deputatları Shomanay rayonlıq Keńesine 15-«Doslıq bayraǵı» saylaw okruginen saylanǵan deputat A.Ubaydullaeva saylawshılar menen náwbettegi ushırasıwın ótkerdi.

Ushırasıw “Ketenler” awıl puqaralar jıyını imaratında shólkemlestirilip, onda, máhálle belsendileri, nuraniylar, jaslar hám keń jámiyetshilik wákilleri belsene qatnastı.

Ilaj dawamında deputattıń 2025-jıl dawımında ámelge asırılǵan deputatlıq iskerligi boyınsha esabatı tıńlandı.

Ushırasıwdıń eń áhmiyetli bólegi puqaralardıń múrájatların tıńlawǵa baǵıshlandı. Xalıq tárepinen aymaqtaǵı infrastrukturanı jaqsılaw, jumıs orınların jaratıw, jaslar hám hayal-qızlar máselelerine baylanıslı bir qatar usınıs hám mashqalalar bildirildi.

Deputat tárepinen hár bir múrájat itibar menen tıńlanıp, olardıń sheshimin tabıw boyınsha tiyisli shólkemler menen birgelikte jumıs alıp baratuǵınlıǵı túsindirildi.

https://t.me/ShumanaytumaniKengashi