Deputatlar mahalladagi taraqqiyot va ijtimoiy o‘zgarishlar bilan tanishdi 

🫥Xalq deputatlari tuman Kengashi deputatlari - J.Donayev, U.Xo'shboqov va Q.Igamberdiyevalar “Bog‘iston” mahallasida olib borilayotgan keng ko‘lamli infratuzilma va ijtimoiy rivojlanish ishlarini yaqindan o‘rganishdi.

🗣Tashrif davomida deputatlar:

Mahalla aholisi tomonidan hashar yo‘li bilan qurilayotgan zamonaviy piyodalar yo‘lakchasini ko‘zdan kechirdi, mavjud kamchiliklar va takliflarni fuqarolar bilan ochiq muloqot orqali muhokama qildi. 

📱Mahalla hududidagi “Janub tongi diyori” baliqchilik fermer xo‘jaligining baliq yetishtirishga mo‘ljallangan suv havzasi bilan tanishib, loyiha samaradorligi, ekologik ahamiyati va aholiga yaratadigan iqtisodiy foydasini o‘rganishdi. 

⚫️Deputatlar mahalladagi rivojlanish jarayonida aholining faol ishtiroki va zamonaviy loyihalarning ahamiyatini alohida ta’kidlashdi. Ularning fikricha, bu tashrif mahalla hayotini yanada yaxshilash, ijtimoiy farovonlikni oshirish va hududdagi iqtisodiy loyihalarni kengaytirishga xizmat qiluvchi muhim qadamlardan biri bo‘ldi.

Qiziriq tumani Kengashi Axborot xizmati 

Rasmiy sahifalarimiz👇

Telegram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3) | Facebook (https://www.facebook.com/?ref=homescreenpwa) | E-kengash (https://kengash.gov.uz/qiziriq) |Instagram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3)