Sessiyada daslabki masala sifatida Toyloq tumanini 2026-yilda kompleks ijtimoiy-iqtisodiy rivojlantirish dasturi loyihasi ko‘rib chiqildi. 

Jumladan, Toyloq tumanini 2026-yilda kompleks ijtimoiy-iqtisodiy rivojlantirish dasturining asosiy yo‘nalishlari etib quyidagilar belgilandi: 

—tuman markazi qiyofasini zamonaviy ko‘rinishga keltirish, shu jumladan, markazlashgan ichimlik suvi bilan ta’minlanganlik darajasini oshirish, oqava suv tarmog‘ini qurishni bosqichma-bosqich amalga oshirish, obodonlashtirish, yangi zamonaviy uy-joylar qurish;

—xizmat ko‘rsatish yo‘nalishida yo‘l bo‘yi infratuzilma imkoniyatlaridan samarali foydalanish, aholining dam olishi uchun yashil va ko‘ngilochar ko‘chalar tashkil etish;

— qishloq xo‘jaligida ijaraga berilgan yerlarda namunali loyihalarni amalga oshirish, tomorqalardan samarali foydalanish, sanoat plantatsiya usulida yangi bog‘ tokzorlarni tashkil etish, dala chetlaridan samarali foydalanish;

—sanoatda qurilish materiallari sohasidagi korxonalar quvvatini oshirish, oziq-ovqat loyihalarini samarali joylashtirish, kichik sanoat zona imkoniyatlaridan to‘laqonli foydalanish.