Xalıq deputatları Bozataw rayonlıq Keńesiniń deputatı Biysenov Kenjegaliy Qazbekovich, saylawshıları menen ushırasıw ótkerdi. 

Ushırasıw dawamında Ózbekstan Respublikası Oliy Majlisi Senatı hám jergilikli Keńesler tárepinen qabıl etilgen "Aymaqlardı rawajlandırıw hám xalıqtıń mashqalaların sheshiwde jergilikli Keńesler deputatları hám senatorlardıń máhálle jetiligi menen óz-ara birge islesiwin bunnan bılay da kúsheytiw ilajları haqqında"ǵı QQ-35-V-sanlı qararınıń orınlanıwın támiyinlew máseleleri dodalandı. 

Usı qarardıń talaplarınan kelip shıqqan halda, máhállede bar mashqalalardı sheshiw, xalıq penen islesiw nátiyjeliligin arttırıw jáne deputatlar hám máhálle jetiligi arasındaǵı birge islesiwdi bunnan bılay da bekkemlewge qaratılǵan anıq ilajlar belgilep alındı. 

Ushırasıwda rayonlıq Keńesiniń deputatı K.Bisenov tárepinen máhállede ushırasıp atırǵan ayırım mashqalalar dodalanıp, olardı saplastırıw, xalıqtıń múrájatların belgilengen tártipte kórip shıǵıw hám tiyisli shólkemler menen birgelikte sheshiw boyınsha usınıslar bildirilip, máhálledegi jumıslardı jáne de jedellestiriw, xalıq penen pikirlesiwdi kúsheytiw, bar máselelerge sistemalı qatnas tiykarında sheshim tabıw zárúrligi atap ótildi. 

Ushırasıw juwmaǵında puqaralar tárepinen bildirilgen sociallıq-ekonomikalıq máseleler hám mashqalalar hár tárepleme dodalanıp, olardı saplastırıw boyınsha anıq ilajlar belgilendi.