11 fevral kuni Yangibozor tumani Axborot-kutubxona markazida “Ilm va ayol: Barqaror jamiyat sari” shiori ostida ma’naviy-ma’rifiy tadbir bo‘lib o‘tdi.
Unda O‘zbekiston XDP viloyat kengashi rais o‘rinbosari, tuman Kengashi deputati U.Qo‘chqarov,partiya viloyat kengashi Yoshlar va xotin-qizlar bilan ishlash bo'lim boshlig'i M.G'aniyeva, tuman hokimi o‘rinbosari F.Ro‘zmetova, partiyaning tuman kengashi raisi Sh.Davlatov hamda faol xotin-qizlar ishtirok etdilar.  

 Shuningdek, tadbir doirasida o‘quvchi-yoshlar tomonidan ko‘rgazmali yarmarkalar tashkil etildi. Yoshlarning ijodiy va amaliy ishlari namoyish etilgan ushbu yarmarkalar ishtirokchilarda katta qiziqish uyg‘otdi.  

 Tadbirda xotin-qizlarning jamiyatdagi o‘rni, ularni ilm-fan, tadbirkorlik va ijtimoiy hayotga keng jalb etish borasida amalga oshirilayotgan ishlar xususida fikr-mulohazalar bildirildi. Ilmli va tashabbuskor ayollar barqaror jamiyat tayanchi ekani alohida ta’kidlandi.