Xalq deputatlari Jalaquduq tuman Kengashi deputati O.Xolmurodova Qo`shtepa mahalla fuqarolar yig`ini hududida joylashgan, Ijtimoiy himoya agentligiga qarashli davlat-xususiy sheriklik asosida faoliyat yuritayotgan ixtisoslashtirilgan ta`lim muassasasiga tashrif buyurdi. Tashrif davomida deputat muassasada bolajonlar uchun yaratilgan shart-sharoitlar, o`quv-tarbiya jarayoni, moddiy-texnika ba`zasi hamda tarbiyalanuvchilarning yashash va ta`lim olish muhiti bilan yaqindan tanishdi. Shuningdek, muassasa rahbariyati va pedagog xodimlar bilan suhbatlashib, mavjud imkoniyatlar, shu bilan birga, hal etilishi lozim bo`lgan masalalar xususida fikr almashdi. O.Xolmurodova bolalarni har tomonlama qo`llab-quvvatlash, ularning ta`lim-tarbiya olishi va sog`lom muhitda voyaga yetishi davlat siyosati
darajasidagi ustuvor vazifa ekanini ta`kidladi. Ayniqsa, ijtimoiy himoyaga muhtoj bolalar bilan ishlashda bunday ixtisoslashtirilgan ta`lim muassasalarining ahamiyati beqiyos ekanini qayd etdi. Tashrif yakunida deputat bolajonlarga xomiylik asosida turli sovg`alar ulashib, ularning ko`nglini ko`tarishga, yuzida tabassum ulashishga harakat qildi. Bu kabi e`tibor va g`amxo`rlik bolalarda mehr-oqibat, ishonch va kelajakka bo`lgan umidni mustahkamlashi alohida ta`kidlandi. Mazkur tashrif ijtimoiy himoya tizimida amalga oshirilayotgan ishlar bilan yaqindan tanishish, shuningdek, bolalar manfaatini ta`minlash yo`lidagi hamkorlikni yanada kuchaytirishga xizmat qildi.