Qo‘shko‘pir tumanidagi Ko‘ktom mahallasida Muhtaram Prezidentimizning O‘zbekiston xalqiga va Oliy Majlisga yo‘llagan murojaatnomasining mazmun-mohiyatini mahalla aholisiga yetkazish maqsadida ma’naviy-ma’rifiy tadbir tashkil etildi. 

Mazkur tadbirda tuman hokimligi vakillari, mahalla faollari, nuroniylar, yoshlar hamda maktab jamoasi faol ishtirok etdilar.Tadbirda Qo'shkopir tuman hokimi o'rinbosari Хurmatbek Ibragimov, Xalq deputatlari Qo'shko'pir tuman Kengashi bosh mutaxassisi Sarabibi Matyoqubova, Respublika Ma’naviyat va ma’rifat markazi Qo‘shko‘pir tuman bo‘linmasi rahbari R. Ismoilovalar oz ma’ruzalari bilan ishtirok etdilar. 

 Ular Prezidentimiz murojaatnomasida belgilab berilgan ustuvor yo‘nalishlar, jumladan, iqtisodiy islohotlar, ta’lim sohasini rivojlantirish, yoshlar siyosati, ijtimoiy himoya, tadbirkorlikni qo‘llab-quvvatlash hamda mahallalarda amalga oshirilayotgan bunyodkorlik ishlari haqida atroflicha ma’lumotlar berdilar.

Tadbir yakunida ishtirokchilar o‘zlarini qiziqtirgan savollarga javob oldilar, fikr va mulohazalar bildirildi. Ushbu uchrashuv mahalla aholisi o‘rtasida islohotlarga bo‘lgan ishonchni mustahkamlash, yurt kelajagiga daxldorlik hissini kuchaytirishga xizmat qiladi.