Prezident murojaatnomasida ilgari surilgan tashabbusga muvofiq, “O‘zbekiston – 2030” strategiyasining yangi loyihasi jamoatchilik muhokamasiga qo‘yildi. Ushbu jarayonda fuqarolardan 2 ming 500 ga yaqin takliflar kelib tushdi.

Ular mazkur hujjatni mamlakat kelajagiga bog‘liq strategik dastur sifatida bilib, faol ishtirok etmoqda.

Shu munosabat bilan bugun Xalq deputatlari Pastdarg‘om tuman Kengashida

“O‘zbekiston – 2030” strategiyasini takomillashtirish mazmun-mohiyati va uning amaliy ahamiyati mavzusida yig‘ilish bo‘lib o‘tdi.

Yig‘ilishda tuman Kengashi deputatlari faol qatnashib, strategiyada belgilangan ustuvor yo‘nalishlar, hududlarni rivojlantirish, aholi farovonligini oshirish, ijtimoiy-iqtisodiy masalalar yuzasidan o‘z fikr va takliflarini bildirishdi.

👉 “O‘zbekiston – 2030” strategiyasi — xalq fikri va tashabbuslariga tayangan holda mamlakatning barqaror taraqqiyotini ta’minlashga qaratilgan muhim dastur ekani yana bir bor e’tirof etildi.