Shu munosabat bilan, bugun “Mahalliy davlat hokimiyati to‘g‘risida”gi O‘zbekiston Respublikasi Qonunining 16³-moddasida belgilangan tartibda Xalq deputatlari Termiz shahar Kengashi raisi lavozimiga saylov o‘tkazildi. Saylov natijalariga ko‘ra, Normuradova Dilbar Abdikosimovna Xalq deputatlari Termiz shahar Kengashi raisi etib saylandi.

Yangi saylangan Kengash raisining faoliyati mahalliy vakillik organi nufuzini yanada oshirish, deputatlar hamda jamoatchilik bilan ochiq va samarali hamkorlikni yo‘lga qo‘yish, shuningdek, shaharni ijtimoiy-iqtisodiy rivojlantirishga qaratilgan muhim tashabbuslarni izchil amalga oshirishga xizmat qilishi kutilmoqda.

Yangi saylangan Kengash raisiga Termiz shahrining ravnaqi, aholimizning farovonligi yo‘lida olib boradigan mas’uliyatli faoliyatida, belgilangan dasturiy vazifalarni deputatlar va jamoatchilik bilan yelkama-yelka turib samarali amalga oshirishda mustahkam salomatlik, kuch-g‘ayrat va omadlar tilaymiz.