Joriy yilning 19 yanvar kuni Xalq
deputatlari Navoiy shahar Kengashi “O‘zbekiston – 2030” strategiyasini
takomillashtirishning mazmun-mohiyati va uning amaliy ahamiyati yuzasidan
muhokama yig‘ilishi o‘tkazildi

Mamlakatimizda amalga oshirilayotgan keng ko‘lamli islohotlarning mantiqiy davomi sifatida
ishlab chiqilgan “O‘zbekiston – 2030” strategiyasi bugungi kunda barcha soha va
tarmoqlarda barqaror rivojlanishni ta’minlashga qaratilgan muhim dasturiy
hujjat hisoblanadi. Mazkur strategiyaning mazmun-mohiyatini yanada chuqurroq
anglash, uni hayotga tatbiq etish mexanizmlarini takomillashtirish maqsadida
Xalq deputatlari Navoiy shahar Kengashi deputatlari ishtirokida muhokama
yig‘ilishi o‘tkazildi. Yig‘ilishda shahar Kengashi deputatlari, tegishli tashkilot va muassasalar vakillari,
jamoatchilik faollari hamda mutaxassislar ishtirok etdi. Tadbir davomida
“O‘zbekiston – 2030” strategiyasining asosiy yo‘nalishlari, xususan, inson
qadrini ulug‘lash, iqtisodiyotni rivojlantirish, ijtimoiy sohani mustahkamlash,
ta’lim va sog‘liqni saqlash tizimini takomillashtirish, shuningdek, hududlarni
kompleks rivojlantirish masalalari atroflicha muhokama qilindi. Ta’kidlanganidek,
strategiya doirasida belgilangan maqsad va vazifalar aholi turmush darajasini
oshirish, yangi ish o‘rinlari yaratish, tadbirkorlikni qo‘llab-quvvatlash,
zamonaviy infratuzilmani shakllantirish hamda davlat boshqaruvida ochiqlik va
shaffoflikni ta’minlashga xizmat qiladi. Shu bois ushbu hujjat nafaqat davlat
organlari, balki jamiyatning barcha qatlamlari uchun ham katta amaliy
ahamiyatga ega. Muhokama jarayonida Xalq deputatlari Navoiy shahar Kengashi a’zolari strategiyani
hududiy xususiyatlardan kelib chiqqan holda amalga oshirish, mavjud muammolarni
joyida hal etish hamda aholi manfaatlarini inobatga olish zarurligini alohida
ta’kidladilar. Shuningdek, deputatlar tomonidan bir qator taklif va tavsiyalar
ilgari surilib, ularni amaliyotga joriy etish masalalari yuzasidan fikr
almashildi. Yig‘ilish yakunida “O‘zbekiston – 2030” strategiyasini hayotga tatbiq etishda deputatlik
nazoratini kuchaytirish, jamoatchilik bilan hamkorlikni yanada rivojlantirish
hamda amalga oshirilayotgan ishlar samaradorligini oshirish bo‘yicha tegishli
vazifalar belgilab olindi. Xulosa qilib aytganda, mazkur muhokama yig‘ilishi “O‘zbekiston – 2030”
strategiyasining mazmun-mohiyatini keng jamoatchilikka yetkazish, uni amaliy
jihatdan yanada takomillashtirish hamda hududlar rivojiga samarali tatbiq
etishda muhim ahamiyat kasb etdi.