Xalq deputatlari Bekobod shahar kengashining deputatlari J.Usmonaliyev va X.Ibragimova tomonidan “Navro‘z” mahalla yettiligi a’zolari bilan birgalikda shahardagi 16-sonli maktabgacha ta’lim muassasasida bolajonlar uchun ovqatlanishlariga yaratilgan shart-sharoitlar bilan tanishdilar. Tanishish jarayonida bolalarni sifatli ovqatlanishlari uchun barcha zaruriy oziq-ovqat mahsulotlari bilan ta’minlanganligi ma’lum bo‘ldi. Biroq, bugungi kunda mavjud elektropechlardan bittasi texnik nosozligi tufayli ishlamayotganligi va ta’mirlash zaruriyati mavjudligi aniqlandi. Ushbu muammoni ijobiy xal etish yuzasidan shahar Maktabgacha va maktab ta’limi tashkilotiga murojaat etildi hamda ijrosi nazoratga olindi.