Xalq deputatlari tuman Kengashi deputati, tuman hokimi Bekzod Bobomurodov ushbu mahallada bo‘lib, tegishli mas’ullar bilan birgalikda mahallada amalga oshirilayotgan bir qator ishlar bilan tanishdi.

O‘zbekiston Respublikasi Prezidentining "Alohida tuman (shahar) va mahallalarni aholining yashashi va tadbirkorlik faoliyati bilan shug‘ullanishi uchun namunali hududga aylantirish chora-tadbirlari to‘g‘risida"gi qaroriga asosan Qiziltepa tumanidagi "Azizobod" mahallasi ham Yangi O‘zbekiston qiyofasidagi mahallaga aylantirilmoqda.

Tuman hokimi Bekzod Bobomurodov ushbu mahallada bo‘lib, tegishli mas’ullar bilan birgalikda mahallada amalga oshirilayotgan bir qator ishlar bilan tanishdi.

O‘rganish ishlari yo‘llarni asfaltlashga tayyorlash jarayonlaridan boshlandi. Ushbu mahallada dastur doirasida 11 km.dan ortiq yo‘llar asfaltlashtiriladi. Ayni kunlarda barcha yo‘llar asfalt yotqizishga tayyorlangan va qisqa fursatlarda jarayonlar boshlanadi.

Tuman hokimi quruvchi tashkilot vakillari va tegishli mas’ullar bilan birgalikda tayyorgarlik jarayonlarini ko‘zdan kechirdi, har bir asfaltlanadigan yo‘llar joylashgan ko‘chalarni piyoda yurib o‘tib, aholining muammo va takliflarini ham tingladi.

"Azizobod" mahallasida amalga oshirilayotgan ishlar, belgilangan vazifalarni o‘rganish ishlarini mahalla markazida ham davom ettirildi. Bu yerda ham har bir tadbirkor bilan uchrashilib, bino fasadi, ta’miri bo‘yicha alohida suhbatlashildi. 

Mahalladagi o‘rganish ishlari uning kirish qismida yangi o‘rnatilayotgan, balandligi 10 metrli "Azizobod" stellasi bilan yakunlandi. Hokim stella bo‘yicha tegishli mas’ullarga o‘zining tavsiyalarini berdi.