Joriy yilning 12-yanvar kuni xalq deputatlari Olmazor tuman Kengashiga 20-Istiqlol saylov okrugidan saylangan deputat Inobat Normurodova "Hazrati imom" mahallasida bo‘lib, aholi bilan yaqindan suhbatlashdi. Hududdagi xonadonlarda bo‘lib, mahalla aholisining kundalik hayoti bilan tanishdi. Yangilangan mahalla hududida fuqarolarning ijtimoiy ehtiyojlariga daxldor qator masalalarni ko‘rib chiqildi. 

Jumladan, Zarqaynar ko‘cha 18-berk ko‘chada yashayotgan aholining minnatdorlik so‘zlarini eshitdi. 4-uy bekasi Aziza Ikromova ko‘cha yo‘laklari ravon, bolalar aravachalarida yurish qulay bo‘lganligini bildirsa, shu ko‘cha 58-xonadon egasi Asatilla Ilhomov qishda hamma qulayliklar yaratib berilgani, mahalla hududi tubdan yangi qiyofaga kirib sayohatchilar bilan gavjum bo‘layotganligidan mamnun ekanligini bildirishdi. Shu yerda bir guruh xorijiy mehmonlar bilan ham ko‘rishib fikr-mulohazalarini so‘raldi.

Toshkentning tarixiy joylari juda maʼqulligini keyingi safar ko‘pgina kunni mo‘ljallab yana kelishlarini bildirdilar. 

Uchrashuv davomida guzar boshidagi uylar oldida yig‘ilib qolgan qurilish chiqindilarini yig‘ib olish bo‘yicha ham takliflar bildirildi. Bu bo‘yicha ham masʼul shaxslarga aniq topshiriqlar bildirishga kelishib olindi. 

Uchrashuv jarayonida mahalla yettiligi aʼzolari, hokim yordamchisi Ansoriddin Xusniddinov hamkorlik qildi.