Xalq deputatlari Chinoz tumani Kengashi deputati Abduvohid Turdiboyev tomonidan tumanning “Birlik” mahalla fuqarolar yig‘inida "Toshkent viloyati suv ta’minoti" AJ Chinoz tumani bo‘limi qurilish bo‘yicha vakili N.Mayramov hamda aholi va mahalla faollari ishtirokida yig‘ilish o‘tkazildi.

Mazkur yig'ilishda deputat O‘zbekiston Respublikasi Vazirlar Mahkamasining Osiyo taraqqiyot banki ishtirokida amalga oshirilayotgan “Toshkent viloyatining shahar va tumanlarida suv ta’minoti va kanalizatsiya tizimlarini rekonstruksiya qilish va qurish (II bosqich)” loyihasi doirasida qabul qilingan VM-516-sonli qaror mazmun-mohiyati yuzasidan tushuntirish berdi.

Xususan, ushbu loyiha doirasida Chinoz tumani “Birlik” MFY hududida amalga oshirilishi rejalashtirilgan ishlar, jumladan, aholini sifatli va uzluksiz toza ichimlik suvi bilan ta’minlash masalalari muhokama qilindi. Mahalla faollariga loyiha bosqichlari, kutilayotgan natijalar hamda amalga oshirish jarayonida aholining ishtiroki va hamkorligi muhimligi haqida ma’lumotlar berildi.

Yig‘ilish davomida fuqarolar tomonidan berilgan savollarga deputat tomonidan aniq va asosli javoblar berilib, aholining taklif va mulohazalari tinglandi. Tadbir ochiq muloqot ruhida o‘tkazilib, aholi manfaatlariga xizmat qiluvchi loyihalarning samarali amalga oshirilishiga qaratildi.