Xalq deputatlari Parkent tumani Kengashiga 11-Qo‘lichi saylov okrugidan saylangan deputat Yoqubov Farxod Maxkamovich “Qo‘lichi” MFY yettiligi bilan hamkorlikda shu mahallada joylashgan Davlat xususiy sherikchilik asosida tashkil etilgan oilaviy maktabgacha ta`lim tashkilotida bo‘lib, muassasada kuz-qish mavsumiga ko‘rilgan tayyorgarlik ishlari hamda hozirgi kundagi faoliyatini jamoatchlik asosida o‘rgandi. O‘rganishlar davomida ijtimoiy soha ob’ektidagi tabiiy gaz hisoblagichlar va isitish uskunalarining texnik ko‘rikdan o‘tkazilganligi, dudburonlarni tozalanganligi, mavjud gaz quvurlari, uzatish tarmoqlari hamda texnik uskunalar ko‘zdan kechirildi, isitish qozonlari soz xolatda ekanligiga alohida eʼtibor qaratildi. Shuningdek bolalar uchun yaratilgan sharoitlar, o‘quv-tarbiya xonalari va mashg‘ulotlar maydoni ko`zdan kechirildi. O'rganish davomida kuz-qish mavsumida barqaror faoliyat yuritish uchun zarur bo‘lgan ishlar amalga oshirilayotgani ma'lum bo'ldi. Ayrim kamchiliklar bo'yicha masʼullarga tavsiyalar berildi.