Xalq deputatlari Jalaquduq tuman Kengashi deputati M.Sharipova tomonidan Toshxovuz mahalla fuqarolar yig`inida aholi vakillari ishtirokida O`zbekiston Respublikasi Prezidenti Shavkat Mirziyoyevning Oliy Majlis Senati va O`zbekiston xalqiga yo`llagan Murojaatnomasi mazmun-mohiyatiga bag`ishlangan davra suhbati tashkil etildi. Davra suhbati davomida Prezident Murojaatnomasida belgilangan ustuvor yo`nalishlar, jumladan, ijtimoiy soha, ta`lim va sog`liqni saqlash tizimini rivojlantirish, aholini ijtimoiy qo`llab-quvvatlash, xotin-qizlar va yoshlar masalalari, mahallalar faoliyatini yanada kuchaytirish, tadbirkorlikni rivojlantirish hamda aholi turmush darajasini oshirishga qaratilgan muhim vazifalar batafsil tushuntirib berildi. M. Sharipova o`z chiqishida Murojaatnomada belgilangan
vazifalarni hayotga tatbiq etishda mahalla instituti va fuqarolarning faol ishtiroki muhim ahamiyat kasb etishini ta`kidlab o`tdi. Shuningdek, aholining taklif va mulohazalari tinglanib, mavjud muammolarni hal etish bo`yicha amaliy takliflar bildirildi. Tadbir yakunida ishtirokchilar Prezident Murojaatnomasi mamlakat taraqqiyoti va xalq farovonligini ta`minlashda muhim dasturilamal ekanini
ta`kidlab, uning mazmun-mohiyatini aholi o`rtasida keng targ`ib etish zarurligini qayd etdilar.