Xalq deputatlari Bekobod shahar kengashi raisi J.Dushabayev tomonidan O‘zbekiston Respublikasi Prezidentining 2025-yil 26-dekabrdagi Oliy Majlis va O‘zbekiston xalqiga yo‘llagan Murojaatnomasini o‘rganish yuzasidan o'quv seminari tashkil etildi. Prezident Murojaatnomasi mamlakatimiz taraqqiyotining navbatdagi bosqichiga puxta tayyorgarlik ko‘rishga qaratilganligi, unda nafaqat hozirgi islohotlarning mazmun-mohiyati, balki kelgusidagi rivojlanish yo‘nalishlari, aniq maqsadlar va ularga erishish mexanizmlari belgilab berilganligi va real mexanizmlarga asoslangan strategik hujjat ekanligi, islohotlarning mazmunini yanada chuqurlashtirib, ularni har bir fuqaroning kundalik hayotiga yaqinlashtirishga xizmat qilishi bilan ahamiyatli ekanligi ta’kidlandi. Shuningdek, yoshlar orasida jinoyatchilik va huquqbuzarlikni oldini olish hamda yoshlarning bo'sh vaqtini mazmunli tashkil etish bo'yicha tushuntirish ishlari olib borildi.